Deankend an Olnzel
zee’k n- e lange rie leu
deur bont versierde
ströatkes goan,
den oalen greutsen
griezen toor’n
as machtig boaken
tuske de wallen stoan;
en in dee feestende
massa verzonken
de praalwagens
fier boamn ’t laand,
loopgroepen, eenlingen,
dameskapellen,
Prins en harmonie
in één grootsch verbaand.
En in alle heukskes
de kleane cafés
as verbindende schakels
in miene feestende stad;
dagen bint an’t lengen,
de zun is ontwaakt
um oons Boeskeul te melden
da’w ’n weenter hebt had.

Robert Monninkhoff (Stadsdichter van Oldenzaal)